Telekeçiligiň esaslary okuwynyň möhleti 1 aý dowam edýär. Häzirki döwürde Türkmenistanyň ykdysadyýetinde iri, orta we kiçi kärhanalar bilen bir hatarda, maşgala we ýekebara zähmete esaslanyp telekeçilik işleri alnyp barylýar. Döredilýän kärhanalaryň ululygy pudaklaryň aýratynlyklaryna, tehnologiýalaryň ösüş badyna bagly bolup durýar. Aýry-aýry pudaklary depginli ösdürmek işi köp möçberde maýa goýumlary we iri önümçilik kuwwatlyklarynyň döredilmegini talap edýär, beýleki pudaklary bolsa, tersine, uly däl-de, kiçi kärhanalaryň döredilmegi arkaly has netijeli ösdürip bolýar diýip hasap edilýär. “Telekeçiligiň esaslary” atly okuw kursy telekeçiligiň giň gerimde ösdürilmegi, bazar gatnaşyklarynyň barha çuňlaşdyrylmagy üçin telekeçilik işi bilen meşgullanjak raýatlara telekeçilik boýunça başlangyç bilimi bermeklige niýetlenilendir. Okuwyň maksady: diňleýjilere Türkmenistanda telekeçilik işine girişmek üçin ugrukdyryjy bilim bermek. Okuwyň esasy wezipeleri: • Türkmenistanda telekeçilik çygryna degişli kada-kanun üpjünçiligini öwretmek; • telekeçiligiň dürli görnüşleri hakynda bilim bermek; • kärhanalaryň guramaçylyk-hukuk görnüşlerine baglylykda döredilişiniň tapgyrlaryny öwretmek; • kärhanalaryň we şereketleriň işleýşiniň ýörelgeleri bilen tanyşdyrmak. Okuw üçin gerekli resminamalar: 1 (bir) sany 3x4-lik surat, raýatlyk pasportynyň nusgasy. Okuw tölegli esasda şertnama baglanyşmak bilen amala aşyrylýar.
Tm
Ru
En