Telekeçiler mekdebi Türkmenistanyň Senagatçylar we telekeçiler birleşmesi tarapyndan 2009-njy ýylda döredildi. Telekeçiler mekdebi – bu telekeçilik ulgamynda Türkmenistanyň aglaba welaýat merkezlerinde hereket edýän iň öňdebaryjy okuw merkezidir. Telekeçiler mekdebiniň merkezi Aşgabat şäherinde bolup, onuň şahamçalary Ahal, Balkan, Daşoguz, Lebap we Mary welaýatlarynda hereket edýär. Mekdebiň esasy maksady – bu hem bazar ykdysadyýetiniň talaplaryna laýyklykda kiçi we orta telekeçilik ulgamynyň hünärmenlerine döwrebap bilim bermekdir. Telekeçiler mekdebinde okuw kurslarynyň giň gerimi hödürlenilýär: Bizde hünär derejesini kämilleşdirýän raýatlar bilen bir hatarda telekeçilik we başga ugurlar boýunça başlangyç bilim alýan diňleýjiler bar. Telekeçiler mekdebi hemişe kämilligiň ýolunda. Okuwlaryň derejesini has-da ýokarlandyrmak, berilýän bilimiň derejesiniň ýokary hil derejesini gazanmak, okatmagyň has döwrebap usullaryny ornaşdyrmak mekdebiň hünärmenleriniň hem-de mugallymlarynyň baş we mizemez maksatlary bolup durýar. Bu ugurlardan daşary hem Hormatly Prezidentimiziň ýurdumyzda hususy telekeçileriň işini has doly we netijeli utgaşdyrmak baradaky tabşyryklaryndan ugur alyp hem-de hususy kärhanalaryň önümçilik-ykdysady taýdan kadaly işledilmeginiň köp halatda telekeçileriň bilim derejesine bagly bolup durýandygyny nazara almak bilen, mekdepde “Telekeçilik işjeňligine giriş” üç günlük hünär okuwlary (seminar) dowam etdirilýär.
Tm
Ru
En